Bir diliñ ṭoġuşunda, ḳaraḳterinde, ʿanʿanesinde ve dehāsında başḳa dillerden derlenmiş kelimeleri millı̄leşdirme ḥayātı ve ḳudreti varsa artıḳ o dili öz dil yapmaġa ḳalḳmaḳ, dili kendi ṭabīʿatından ve dehāsından uzaḳlaşdırmaḳdır ki, bunu ancaḳ cehālet ve delāletiñ elleri yapar. Ḥaḳı̄ḳat şudur ki Türk milleti gibi ʿaṣrlarca ḥattā çaġlarca dünyā saṭḥında ḳonuşmuş büyük ve fātiḥ bir milletiñ dili öz dil olamaz imparaṭorluḳ dili olur.

Nihād Sāmı̄ Banarlı

اسکیدن هرکسك قوللاندیغی کلمه‌لرك بر چوغی آرتیق یوق اولوب کیتمشدر، عیناً اسکیدن اسملری هرکسك دیلنده اولان انسانلر دخی: قراللر، عالِملر، حتّی بعضی تاکریلر بیله کندی دَورلرنده‌کی قدر قونوشلمامقده‌در. زیرا هر شی صولوب کیدر، افسانه‌یه دونوشوب ماضی​یه کومولور. طبیعی که بو آنجق وقتِ زماننده اسمی سماده‌کی ییلدیزلر کبی پارلایانلر ایچون معتبردر. دکرلری ایسه جسدلرنی بر قاچ طوپراق طوپاغی قاپاتیر قاپاتمز کوزدن اوزاق کوکلدن ده اوزاق اولورلر. نهایت بر انسان ابداً یاد ایدلمکدن نه قازانیر؟ هیچ بر شی. او زمان یاشامغه دکر نه قالدی؟ بر تك بو: فکرده عدالت، عملده فضیلت، آلداتامایان سوزلر و هر شیدن ممنون قالان، هر شیئی لازم دییه، طانیدیق دییه کندیسی ایله عینی پیکار و چشمه‌دن آقان بر شیمش کبی قبول ایدن بر خوی.

مارقوس آورلیوس (Marcus Aurelius) «Τὰ εἰς ἑαυτόν» نام اثرندن نیقولاس قونطوواس (Nicholas Kontovas) طرفندن دكیشدره‌رك آقتارلمشدر

۱. بتون انسانلر اوزكور، اونور و حقّلری یونندن اشیت طوغار. عقل و وجدانه صاحبدرلر. (انسان حقّلری اورنسل بیاننامه‌سی، برنجی مادّه)
Bütün insanlar özgür, onur ve hakları yönünden eşit doğar. Akıl ve vicdana sahiptirler. (İnsan Hakları Evrensel Beyannamesi, 1. madde)

۲. فمینیزمك غایه‌سی یالكیز قادینلغك حیاتنك دكل، قادینلقله برابر ارككلرك دخی حیاتنی تنظیم ایتمكدر. (نوریه علویه مولان، «دوشونیورم»)
Feminizmin gayesi yalnız kadınlığın hayatının değil, kadınlıkla beraber erkeklerin dahi hayatını tanzim etmektir. (Nuriye Ulviye Mevlan, "Düşünüyorum")

بر وارمش بر یوقمش، أوّل زمان ایچنده بر پادشاه وارمش، باطی آناطولیده بولونان لیدیا بولکه‌سنده یاشامش. آطی کارون و دنیانك اك زنکین قرالی ایمش، او قدر زنکین که کندیسنی تاکریلردن بیله دها کوچلی کورمش.

بر کون جانی صیقیلمش و تاکریلری صینامق ایستمش. «طاپناقلرده کندیسنه کاهن دیین بر سورو شارلاطان وار، باقالم بندن دها ذکیلر می ایمش!» -- دیمش و ییر ییر طولاشوب چشیدلی طاپناقلرده‌کی کاهنلری قاندرمغه قالقیشمش. هر برنه یالان سویلمش و هر بری یالانلرنه اینانوب اونلره کوره جواب ویرمش.

«بو سوزده کاهنلر نه قدر احمق ایمش!» -- دیمش کارون وزیرنه، «باق، هپسنی قاندره بیلدم.»

«طوغری سویلییورسکز پادشاهم» -- دییه جواب ویرمش وزیر، «فقط بونلر آدی طولاندریجی. اك طانینان کاهن دلفی کاهنیدر. اونی ده قاندره بیلیرسه‌کز کمسه آرتق اوستون ذکاکزی صورغولایه‌مز!»

کارون وزیرك سوزلرنی حقلی بولمش و دلفی طاپناغی ایچون یوله چیقمش. وارنجه کشیشلری چاغیرمش و هر برنه برر طوربه آلتون ویرمش. «بن اولوغ لیدیا اولکه‌سنك پادشاهی کارون. بنی درحال کاهنه کوترك!» -- دیمش.

«طبیعی، هامان افندم!» -- دیمش کشیشلر و پادشاهی تپه‌نك اوستنده اوطوران کاهنه چیقارمشلر.

کاهنك اوطوردیغی ییره وارنجه پادشاه چوق کوزل بر یالان دوشونوب بویله سسلنمش: «آه، یوجه دلفی کاهنی! فارس ایمپاراطوری کیروس و اوردوسی پای تختمزی قوشاتمشلر. نه یاپمالییم؟».

کاهن خفیف کولومسیوب باشنی قالدرمش. «ای، کارون! لیدیانك کوجنی سندن دها ایی کم بیلیر! فارس اوردوسنه صالدریرسه‌کز بویوك دولت کسینلکله چوکه‌جکدر!» -- دیمش و پادشاهی كوندرمش.

دونرکن کارون کندی کندیسنه دوشونمش. «بو کاهن دنیانك اك مشهور کاهن، آیریجه بنی و لیدیانك کوجنی طانیمش... طوغری سویله‌یور ایسه فارس ایمپاراطورلغنه صالدرمالییم!» -- دیمش و عسکرلرنی طوپلامش. بر قاچ کون ایچنده فارس ایمپاراطورلغنك اك یاقین کنتلرنه وارمشلر و سورلرنه صالدرمشلر. طبیعی که برقاچ ساعت صوکره او کنتك والیسی لیدیا اوردوسنی ینمش و کارونی اسیر آلمش.

کیروس کارونك صالدریسنی اوکرننجه کولمش. «لیدیا قرالی بزه می صالدره‌جق؟» -- دیمش و کندی اوردوسنی یوللایوب لیدیا پای تختنی ییرله بر ایتمش.

بویله‌جه بویوك لیدیا دولتی چوکمشدر!